Sindroma e lodhjes kronike përcaktohet nga një ndjesi lodhjeje intensive dhe e vazhdueshme. Mënyra se si mund ta trajtojmë padyshim është mënyra se si vendosim të ushqehemi.
Në këtë artikull po ju zbulojmë disa ushqime që duhet t’i konsumoni dhe disa të tjera që duhet t’i shmangni për të shpëtuar njëherë e mirë nga ajo gjendje.
Për ta parandaluar:
Qëndroni të hidratuar
Duke pirë ujë jo vetëm që luftoni lodhjen, por kontribuoni edhe në shpërndarjen e molekulave thelbësore dhe elementëve të tjerë në të gjithë trupin.
Mbani shënim ushqimet që konsumoni si dhe ndikimin që lë në organizmin tuaj
Një mënyrë tjetër për të luftuar lodhjen kronike është të mbani një regjistër të detajuar të ushqimeve dhe pijeve që konsumoni. Gjithashtu duhet të mbani parasysh gjendjen tuaj shpirtërore në periudha të ndryshme të ditës. Kështu do të kuptoni se cilat ushqime dhe pije nuk ndikojnë pozitivisht në organizëm, që ju shterojnë apo ju shtojnë energjinë etj.
Mos eliminoni ushqime nga dieta juaj pa mbikqyrje mjekësore
Ne e kuptojmë se lodhja kronike mund të jetë e bezdisshme, por përpjekja për ta luftuar atë duke eliminuar disa grupe ushqimore është e gabuar. Në këto raste është e nevojshme të kontaktoni një nutricionist, duke sjellë në vëmendje ditarin e ushqimit dhe emocioneve.
Jepini vetes mundësinë të provoni ushqime të reja
Provoni ushqime që zakonisht nuk i hani, por që njihen si ushqime me energji të lartë. Për shembull, kombinoni karbohidratet, proteinat dhe yndyrnat për të luftuar lodhjen kronike. Problemi është se çdo organizëm reagon në mënyrën e vet ndaj kombinimeve të ndryshme ushqimore, kështu që nuk ka një dietë standarde.
Shmangni:
Kafen- Kjo pije mbingarkon sistemin nervor dhe shkakton kulmin e energjisë të cilat pas dy ose tre orësh përkeqësojnë gjendjen e lodhjes kronike . Në vend të kafesë, provoni të pini lëng aloe vera, çaj jeshil ose çaj menteje.
Pijet me gaz- Ndodh që ndonjëherë na shtojnë energjinë, por në rastin e kundërt ndikojnë në dehidratimin e trupit dhe në keqfunksionimin e organizmit. Kjo do të pasohet me lodhje fizike dhe mendore njëkohësisht. Ndaj është më mirë që ta zëvendësoni thjesht me ujë./E.Ç
