Tashmë flitet kudo për Ozempic dhe ilaçe të tjera si ai që i përkasin një klase medikamentesh të njohura si agonistët e peptidit 1 (GLP-1) të ngjashëm me glukagonin. Këto barna – disa të aprovuara nga autoritetet federale ne SHBA për diabetin, disa të miratuara për menaxhimin e peshës – kanë arritur statusin e superstarit për efektet e tyre të humbjes së peshës. Në disa raste, ato i kanë ndihmuar njerëzit të heqin rreth 20 për qind të peshës së tyre trupore. Nuk është çudi që kërkesa për to është rritur ndjeshëm.
Një sondazh i dhjetorit 2023 nga Universiteti i Miçiganit zbuloi se më shumë se 60 përqind e të rriturve mbipeshë të moshës 50 deri në 80 vjeç janë të interesuar të marrin një medikament të tillë.
“Këto janë ilace që ndryshojnë lojën,” thotë Shauna Levy nga Qendra Mjekësore Universitare Tulane në New Orleans. Por si çdo ilaç, edhe ato nuk janë pa efekte anësore, shpehet ajo. Më të zakonshmet përfshijnë:
Të përzierat
Diarrenë
Të vjellat
Kapsllëkun
Dhimbjet e stomakut
Por probleme edhe më serioze janë lidhur gjithashtu me këto barna, duke përfshirë problemet e fshikëzës së tëmthit, sheqerin e ulët në gjak, dëmtimin e veshkave ndërsa një pasojë për të cilën thuajse nuk flitet është edhe retinopatia diabetike, apo dëmtimi i retinës së syrit./E.Ç
