Teksa secili prej nesh mundohet të gjejë mënyrën se si ti mbijetojë koronavirusit dhe ta fitojë këtë betejë, specialistët duket se na vijnë në ndihmë me sugjerimet e tyre.
Një studim i fundit na sugjeron se vitamina D na ndihmon. Por si ta konsumojmë dhe çfarë efekti ka kundër Covid-19?
“Duhet të kujtojmë gjithnjë se nuk ka asnjë studim klinik që vërteton efektivitetin e Vitaminës D apo vitaminave të tjera ndaj koronavirusit” thotë dr. John Whyte, sipas të cilit kjo metodë po përdoret tek pacientët e hospitalizuar, pasi kanë rezultuar pozitivë, në Spanjë por ende janë në pritje të rezultateve.
Gjithsesi është e provuar se përdorimi i Vitaminës D parandalon ftohjen. Gjithashtu vitamina D ndihmon sistemin imunitar duke forcuar kockat si dhe rregullon funksionin e qelizave në trup.
Përveç konsumit në kokërr të vitaminës D, mund ta gjejmë atë edhe duke konsumuar peshk, salmon apo edhe në produktet e konsumit të përditshëm si qumështi. Pak vitaminë D nuk i bën dëm askujt por jo në doza të larta.
Burimi: Foxnews, Përshtati: Fjala.al
