Amerika Latina njihet për mbipopullimin e frikshëm nëpër burgje. Me të burgosurit që rrinë mbi njëri-tjetrin pranë kangjellave të hekurta të dritareve, distanca sociale vështirë se mund të ruhet, madje është e pamundur ndërsa në këto institucione, është e pamundur të sigurosh edhe mjetet bazë mjekësore, pavarësisht shpërthimit të koronavirusit.
Kombet e Bashkuara i kanë kërkuar qeverive të bëjnë më shumë për të mbrojtur të burgosurit dhe ka sugjeruar lirim për disa prej tyre, për të shmangur rrezikun gjithnjë e në rritje.
Kili, Kolumbia dhe Nikaragua kanë shpallur planin për të liruar mijëra të burgosur. Prioritet i është dhënë të moshuarve, grave shtatzëna dhe atyre me sëmundje të tjera. Brazili ka liruar deri më tani 60 të dënuar por kaq nuk mjafton ndërsa Peruja tani po mendon për një amnisti në këto ditë të vështira. Situatë e vështirë mbetet ajo në burgjet e El Salvador, ku është e pamundur që një i burgosur të ketë një metër vend, qoftë edhe për të shtrirë këmbët i qetë.
Fotografi Tariq Zaidi ka kaluar 2 vitet e fundit duke dokumentuar përmes fotove dhe pamjeve, kushtet në burgjet e El Salvador, deri para shpërthimit të pandemisë. El Salvador është shteti me numrin më të lartë të të burgosurve sikurse edhe shteti me normën më të lartë të vrasjeve në botë. Por nga 17.6 vrasje në ditë regjistruar në vitin 2015, normal ka rënë në 2.1 vrasje në ditë deri në mars të 2020-ës./Burimi: BBC Përshtati: Fjala.al
