Volkswagen ende pret që të regjistrojë fitime, edhe në këtë periudhë të vitit, pavarësisht mbylljes për mbi 40 ditë për shkak të pandemisë, e cila uli ndjeshëm shitjet dhe fitimet në tremujorin e parë të këtij viti.
Kompania më e madhe në botë e prodhimit të automjeteve tha këtë të mërkurë se fitimet e saj mund të jenë tkurrur përgjatë periudhës janar-mars 2020, por gjithsesi fitimet janë të mira, në 904 milionë euro, nga 3.9 miliard euro të shënuara një vit më parë për të njëjtën periudhë.
Kompania paralajmëroi se për të gjithë vitin pritet të shënojë rënie por gjithsesi 2020 do ta mbyllë me bilanc pozitiv. Volksëagen, e cila përfshin edhe automjetet Audi, Porsche dhe Sead, tha se për këtë periudhë të vështirë, shitjet ranë me vetëm 25%, në vetëm 1.9 milionë automjete të shitura në 3 muaj. Edhe dërgesat drejt klientëve në mbarë ranë me 23%. Por jo për të gjithë bilanci për periudhën e pandemisë ka qënë po kaq pozitiv.
Ndërkohë kompania Ford lajmëroi se në tremujorin e parë të këtij viti shënoi humbje marramendëse, prej 1.9 miliardë dollarësh, duke paralajmëruar për mbyllje të qindra vendeve të punës si dhe pritet që vitin ta mbyllë me humbje në 5 miliardë dollarë./Burimi: CNN
