Kryeministri Edi Rama përmes një komunikate në Facebook u është përgjigjur problematikave të qytetarëvë, ku një pjesë e mirë e tyre kishte hasur problem në marrjen e ‘Pagës së Luftës’. Sipas kryeministrit kjo pjesë e qytetarëve që nuk kanë marrë pagën është sepse kanë problem teknike.
Te paketa e parë e shpërndarjes së pagës, rreth 3 mijë individë nuk e kanë vendosur saktë NIPT-in, dhe kjo është arsyeja përse nuk i ka kaluar paga e luftës. Ndërsa rreth 3 mijë persona të tjerë kanë gabuar me IBAN-in gjatë aplikimit.
”Po vazhdojmë të disbursojmë pagesat e paketës së zgjeruar duke vënë re një problematikë përreth , për një numër prej 2 apo 3 mijë personash që kanë gabuar me IBAN-in në aplikimin e tyre. Kanë vënë një numër kod që bankat nuk e lidhin dot me personin. U është kërkuar bankave të kthejnë emrat që me kod nuk janë të detektueshëm. Do komunikohet me ta.
Janë 3 mijë individë në paketën e parë të cilët NIPT-et e të cilëve nuk korrespondojnë me fazën e aplikimeve. Sot ose nesër Tatimet do u çojnë një mesazh se u është akorduar si kategori paga e luftës. Nëse e kanë pasur të pamundur aplikimin ju lutem të aplikojnë.”- tha Rama.
Më tej kryeministri tha se do t’i marrin tri pagat e luftës të gjithë qytetarët, që kanë mbetur pa punë, për shkak të koronavirusit, por sipas tij, ka pasur probleme me IBAN-in.
“Do t’i marrin tre herë ato paga, edhe pse një pjesë e tyre janë kthyer në punë tashmë. Mbështetje për 176 mijë të tjerë, deri tani janë afro 70 mijë që i kanë në banka, disbursohen çdo ditë paga për ta. Por nuk ka financim për ata që nuk janë të regjistruar dhe nuk figurojnë askund”, tha Rama.
