Boris Johnson i cili la spitalin më 12 prill pasi ishte nën kujdesin intensiv duke luftuar koronavirusin, ka deklaruar në konferencën për shtyp të hënën se ka probleme me shikimin dhe kjo mund të jetë për shkak të koronavirusit.
“Kam zbuluar se për herë të parë duhet të vendos syze dhe kjo mund të jetë për shkak të Covid-19. Në fakt mendoj se ka disa efekte anësore nga koronavirusi, por deri më tani shikimi mund të jetë goditur më shumë te mua.”, u tha ai gazetarëve, shkruan Express.
Kryeministri britanik u infektua disa javë më parë me Covid-19 dhe përfundoi në kujdesin intensive, por gjendja e tij shëndetësore u përmirësua. Pasi kreu dy teste për koronavirusin, kryeministri Johnson rezultoi negative./Fjala.al
