Japonia harton planin dhe merr vendimin e guximshëm për të nxitur turistët e huaj drejt saj por edhe për të nxitur rritjen e ekonomisë, pas pandemisë koronavirus.
Pas rënies drastike të prenotimeve, qeveria japoneze merr përsipër gjysmën e shpenzimeve apo paketës ‘Turks Time’ në çdo qytet të saj, për cilindo turist të huaj që do ta vizitojë gjigantin aziatik fill pas krizës së Covid-19. Propozimi, që mund të çojë në një boom turistësh të huaj në javët në vijim, po shqyrtohet në detaje nga qeveria japoneze, për mënyrën sesi mund të aplikohet.
Sipas gazetës “Japan Times”, plani që kap shumën e thuajse 13 miliardë dollarëve, mund të nisë në muajin korrik, si periudha kur Japonia shpreson që pandemia të ketë përfunduar dhe shifrat të flasin pozitivisht për një rikthim në normalitet. Tashmë skema e pagesës po shqyrtohet ndërsa fillimisht ideja ishte për pagesën 50-50 vetëm të biletës së avionit, shkruan Mirror.
Sipas të dhënave të Agjencisë Japoneze të Turizmit, nga prilli i vitit 2019 gjer në prillin e këtij viti, që përkoi me kulmin e pandemisë, prenotimet e turistëve të huaj ranë me 99.9% dhe industria e turizmit është ajo që është goditur më rëndë nga kriza e Covid.
Numri i turistëve të huaj që vizituan Japoninë në muaj prill ra për herë të parë që nga viti 1964 nën shifrat 10 mijë./Fjala.al
