Nezir Mehmetaj vendosi që ta çonte në Serbi nënën e sëmurë për t’i bërë analizat, por kur po kthehej në kufi, u ndalua nga doganierët.
Ata i thanë se ishte pjesë e listës “Stop” dhe e shoqëruan në polici.
Mehmetaj është dënuar me 48 orë burg nga Gjykata në Beograd pasi akuzohet për krime lufte.
Kujtojmë së Mehmetaj kishte 25 vite që jetonte në Zvicër, por sëmundja e nënës e kishte kthyer në Kosovë.
Për ngjarjen ka reaguar edhe ministri i Jashtëm i Kosovës, Behgjet Pacolli i cili e dënoi arrestimin e tij dhe u zotua se Nezir Mehmetaj do të lirohej.
“Ne e dënojmë arrestimin e shtetasit kosovar Nezir Mehmetaj nga policia serbe dhe bëjmë thirrje për lirimin e menjëhershëm të tij. Zyra jonë e ndërlidhjes në Beograd është aktive dhe do të marrë të gjitha masat e duhura për të siguruar lirimin e Nezirit”, ka shkruar Pacolli.
Më tej, kryediplomati ka thënë se Serbia nuk mund të pengojë më pafund lëvizjen e lirë të njerëzve dhe menjëherë të ndalojë me përndjekjet politike./Fjala.al
