Kryeministri i Armenisë, Nikol Pashinyan dhe e gjithë familja e tij janë infektuar me koronavirus.
Në një deklaratë në Facebook ditën e sotme, Pashinyan tha se ai nuk kishte shfaqur asnjë simptomë të koronavirusit, por vendosi të testohej para se të vizitonte njësitë ushtarake dhe testi rezultoi pozitiv.
“Unë do të punoj nga shtëpia”, tha kryeministri, duke shtuar se ai ndoshta e ka kontraktuar virusin nga një kamerier i cili i solli një gotë me ujë pa veshur doreza.
Armenia deri më tani ka raportuar mbi 9 mijë raste pozitive me koronavirus dhe 130 vdekje.
Autoritetet armene shpallën gjendjen e jashtëzakonshme në mes të muajit mars, ndërkohë Pashinyan tha javën e kaluar se shpërthimi në Armeni po përkeqësohet./r.g/fjala.al
