Sot ka pasur një rritje të ndjeshme të rasteve ditore me COVID-19 në Kosovë. IKSHPK-ja konfirmoi se nga 227 teste të realizuara në 24 orët e fundit, 58 prej tyre kanë rezultuar pozitiv me COVID-19.
Rastet e reja pozitive janë nga: komuna e Fushë Kosovës 12 raste, komuna e Vitisë 12 raste, komuna e Prishtinës 11 raste, komuna e Mitrovicës 10 raste, komuna e Vushtrrisë 9 raste, komuna e Prizrenit 3 raste dhe 1 rast me vendbanim në Rahovec.
IKSHPK-ja konfirmon se në javën e fundit ka patur raste pozitive në mesin e punëtorëve të organizatave si: Posta e Kosovës, KEK, KEDS, Galeri e arteve, institucione bankare, shëndetësore, agjensione, kompani tregtare dhe biznese private.
Në total, numri i të infektuarëve me COVID-19 në Kosovë ka arritur në 1384 persona, ndërsa janë regjistruar gjithësej dhe 31 viktima të cilët kanë pasur sëmundje të tjera shoqëruese./En.Br./Fjala.al
