Angelina Jolie më në fund ka folur për divorcin e saj nga Brad Pitt, duke pranuar se është ndarë prej tij për “mirëqenien e të gjithë familjes”.
Aktorja është shprehur shumë pak ndër vite pas divorcit nga aktori fitues i çmimit Oskar, që shokoi fansat në vitin 2016 dhe me betejën ligjore që vijoi për më shumë se 4 vjet.
Gjithsesi sot, nëna e 6 fëmijëve, pranoi se ka marrë vendimin e duhur për familjen e saj dhe se tani është fokusuar vetëm tek shëndeti dhe mirëqenia e tyre.
“Disa kanë përfituar nga heshtja ime dhe fëmijët e mi shohin gënjeshtra rreth tyre në lajme por unë i kujtoj atyre se ata e dinë të vërtetën dhe kanë mendjen e tyre” thotë aktorja.
Në një intervistë të rrallë për British Vogue, Angelina rrëfen: “Ata janë të 6 shumë të guximshëm, janë të rinj shumë të fortë”.
Maddo, Zahara dhe Pax janë fëmijët që çifti adoptoi nga një jetimore në Kamboxhia, Etiopia dhe Vietnami ndërsa tre të tjerët, Shiloh, Vivienne dhe Knox janë fëmijët biologjik të Angelinës dhe Brad.
Pjesën më të madhe të periudhës së izolimit, 6 fëmijët e kanë kaluar në karantinë me nënën e tyre, në vilën 25 milionë dollarëshe në Los Feliz, Los Anxheles./Re.Gu/Fjala.al
