Një mjek dhe dy infermiere kanë rezultuar pozitive me koronavirus në qytetin e Pogradecit.
Mësohet se menjëherë pas konfirmimit të 3 rasteve u është kryer tamponi 8 punonjësve të tjerë, të cilët kanë rezultuar negativë.
Bëhet me dije se mjeku dhe dy infermieret punonin në një konsultore fëmijësh, e cila menjëherë është mbyllur dhe stafi është vetë-karantinuar pavarësisht se tamponët e tyre rezultuan negativ.
Nga ana e mjekëve epidemiologë është bërë e mundur marrja e tamponëve edhe të personave të tjerë, kontakte dhe familjarë të mjekut dhe infermierëve, por edhe të nënave me fëmijë që janë vizituar pranë kësaj qendre këto ditë. Nga ana tjetër mësohet se ambientet e kësaj konsultore i janë nënshtruar dezinfektimit./Re.Gu/Fjala.al
