Ndonëse matematikisht është ende në garë, mediat spanjolle raportojnë se Barcelona është dorëzuar.
Barazimi 2-2 i takimit me Atletico Madrid mbrëmjen e kaluar ka treguar se katalanasit i kanë humbur shpresat e titullit të La Ligës. Mediat spanjolle dhe ato katalunase në veçanti, e thonë që në titujt kryesor që tashmë trofeu do të merret nga Real Madrit.
Media të mëdha sportive si “Marca” dhe “AS” kanë shkruar se ndalesa për herë të dytë radhazi e Barçës i jep më shumë mundësi Realit në realizimin e qëllimeve.
Ndërsa “El Mundo Deportivo” dhe “Sport” shprehen se ndalesa e fundit ishte “dënimi maksimal” për atmosferën e rëndë që shoqëron skuadrën “blaugrana” të përçarë në dhomat e zhveshjes.ka.ta/Fjala.al/
