Janari ka hyrë me diell por i ftohtë. Por ai pritet të jetë i acartë në shumë zona të vendit.
Sinoptikania Lajda Porja thotë se temperaturat në ditët në vijim do të zbresin deri në -11 gradë celcius.
Parashikohet që fundjava do të sjell rritje të lehtë të temperaturave por edhe reshje dëbore në disa zona të Shqipërisë.
Por ditët në vijim do të jenë të acarta dhe temperaturat do të bien ndjeshëm. E hëna dhe e marta e javës së ardhshme pritet të jenë dhe më të ftohta, ku temperatura do të zbresin deri në –12 gradë në zonat malore.
I gjithë muaji janar parashikohet të jetë shumë i ftohtë por dhe me pak reshje të cilat do të jenë kryesisht në formën e dëborës.
