Kryeministri Edi Rama vizitoi sot në shtëpinë e re Marjana Rexhepin, një prej të mbijetuarave të tërmetit tragjik të 26 nëntorit, e cila qëndroi 13 orë nën rrënoja derisa u shpëtua nga zjarrfikësi hero Luan Kapaj.
Rama tha se Marjana ishte me dy jetë dhe se humbja e saj ishte aq e madhe saqë nuk mund të pyetet se si i duket shtëpia e re ku do banojë.
“Nuk po i them Marianës si është shtëpia në raport me atë që kishte se është më mirë më thanë. Por në këtë rast humbja është e atillë që nuk bëhet kjo pyetje por ajo që vlen për të gjithë është se është më mirë se ç’ishte. Kjo e shkreta kishte jetë të dytë. Sa orë qëndrove në rrënoja?”, tha Edi Rama.
“13 orë qëndrova nën rrënoja. Më nxori Luani dhe e falënderoj shumë”, u përgjigj Marjana Rexhepi.
Kreu i qeverisë bëri apel që procedurat e rindërtimit të jenë transparente dhe të garantojnë gjithë procesin e rindërtimit me cilësi.
