Pas krimit makabër në Gjerbë të Mallakastrës, ku dy djem masakruan një 51-vjeçare, për ngjarjen kanë folur edhe banorët e fshtatit.
Një prej banorëve të këtij fshati flet edhe për njërin prej autorëve të krimi, konkretisht nipi i burrit të viktimës, duke e cilësuar si tip problematik.
Po sipas banores, 51-vjeçarja Drita Saliaj dhe i shoqi i saj nuk i mbanin lekët në shtëpi, por i kishin vendosur në bankë dhe kjo ka bërë që autorët pasi nuk gjetën gjë në shtëpi të kryenin edhe krimin makabër.
“Ai nipi ishte tip i hedhur që i vogël, tipi i tij. Drita nuk është ankuar asnjëherë. Kishin disa lopë e viça në shtëpi dhe i shitën dhe kanë kujtuar se mos i kishte lekët në shtëpi. Por lekët i mbante i shoqi dhe i mbyllte në bankë dhe ndaj arritën ata e bënë këtë që bënë”, shprehet një prej banoreve.
Banorët kërkojnë që shteti të marrë masa dhe madje kërkojnë dënim me vdekje për autorët. Ndërsa theksojnë se 51-vjeçarja Drita Saliaj nuk ka pasur konflikte me askënd.
“Zonjë e mirë ishte në shtëpinë e saj, zonjë grua, të mirë si familje, kanë qenë familje e parë, nuk janë trazuar me asnjë. Për këtë veprim që kanë bërë ata të merren masa. Nuk dimë për konflikte”, shprehet një banore.
Drita Saliaj, nënë e dy djemve jetonte e vetme pasi bashkëshorti dhe fëmijët punonin në Greqi. Ajo u grabit nga nipi i burrit, Luis Saliaj, 16 vjeç dhe dy shokët e tij Sindi Shehaj, 16 vjeç dhe Ervis Zotaj, 26 vjeç.
“Dritën e kisha shumë shoqe dhe ishte përkryer. Pija kafe sa herë. Para disa ditëve më erdhi në shtëpi se më kishte vdekur nëna. Ishte e malluar për dy fëmijët e saj që i kishte të larguar dhe me dhembshuri jashtë mase. Jetonte vetëm. Ishte e pa ngatërruar, të gjithë si familje. Veç të mirën, të keqen s’e bënin kurrë. Këtë nuk e priste askush. Ai nipi ishte tip i hedhur që i vogël, tipi i tij. Drita nuk është ankuar asnjëherë. Kishin disa lopë e viça në shtëpi dhe i shitën dhe kanë kujtuar se mos i kishte lekët në shtëpi. Por lekët i mbante i shoqi dhe i mbyllte në bankë dhe ndaj arritën ata e bënë këtë që bënë.”
