Stoli Beli, folësja e parë e lajmeve në ekranin shqiptar është ndarë nga jeta në moshën 91-vjeçare.
Kanë kaluar gjashtë dekada, që nga 29 prilli i vitit 1960, kur Stoli Beli nga studio e parë Televizive Shqiptarë, do të artikulonte fjalët: “Të dashur spektatorë, mirëmbrëma… Sonte fillon për herë të parë `Qendra Eksperimentale e Televizionit Shqiptar`”.
Beli është një prej imazheve të vetme të asaj kohe që ndiqej nga shqiptarët. E nisi karrierën e saj në gazetari duke raportuar gjithmonë drejtpërdrejt.
Përveçse ishte folësja e parë e ekranit të RTSH-së, ajo më pas u bë edhe gazetarja e parë, redaktorja dhe regjisorja e parë në Shqipëri.
