Grabitësi serial i cili u identifikua në grabitjen e fundit të argjendarisë në qytetin e Elbasanit, Astrit Thaçi do të qëndrojë në burg. Gjykata e Durrësit ka vendosur masën e sigurisë këtë të mërkurë për 27-vjeçarin.
Gjatë seancës, Astrit Thaçi ka deklaruar se është penduar për të 8 grabitjet të zhvilluara gjatë një jave. Ai justifikoi veprimet e tija se i ka kryer nën efektin e lëndëve narkotike, gjithashtu ai shfaqi pendes edhe për plagosjen e Ramazan Terziut në zonën e Plazhit Durrës.
Ndërsa për 20-vjeçaren që u arrestua si bashkëpunëtorja e tij, Prokuroria tha se e reja kishte vetëm një muaj që e njihte dhe kërkoi arrest me burg për të dy, pasi paraqesin rrezikshmëri shoqërore. Por vajza 20-vjeçare kërkoi të lihej e lirë duke deklaruar se nuk ka qenë në dijeni për veprimet e Thaçit. Ajo ka rrëfyer se punonte në rrobaqepësi.
“Skam qenë në dijeni për veprimet e tij. Jam e padënuar. Jam viktimë e këtij procesi. Rrjedh nga familje e mirë”, është shprehur Adela Berisha.
Gjykata në fund vendosi “burg pa afat” për Thaçin dhe “detyrim paraqitje” për 20-vjeçaren./Fjala.al