Mediat publikuan sot lajmin se Përparim Daiu, drejtori i spitalit të Kavajës ka dhënë dorëheqjen, për arsye mos marrëveshjeje me kryebashkiakun Redjan Krali.
Vetë Daiu është shprehur se nuk e ka dhënë dorëheqjen dhe se vazhdon të jetë në krye të detyrës, në prononcimin për mediat .
“Nuk e kam dhënë dorëheqjen, vazhdoj të jem në krye të detyrës. Patëm debate në mbledhje por që nuk është e vërtetë që jam dorëhequr apo gjëra të këtij lloji,”- tha Daiu.
Ky lajm erdhi disa ditë pasi Partia Demokratike me anë të Sekretarit të Përgjithshëm, Gazment Bardhi, denoncoi nisjen e punimeve në spitalin e Kavajës për ta kthyer në karantinë për koronavirusin.
Në një reagim në mediat sociale, Bardhi shkruante se sot në repartin e patologjisë ka nisur puna, ne bashkëpunim me Ministrinë e Shëndetësisë.
