Nga Moska, Rama: Kemi fituar luftën, tani duhet të fitojmë paqen

113 563 lexime

124,178FansaPëlqeje

Kryeministri Edi Rama, që ndodhet në Moskë në cilësinë e kryetarit të OSBE ka treguar detaje nga takimi që kishte me ministrin e jashtëm rus Sergei Lavrov.

Rama u shpreh se ka bërë lobim për Kosovën, se Serbia bën mirë për veten e saj që të njohë shtetin e Kosovës.

Rama vlerësoi se faktori shqiptar duhet ta nxisë dialogun Kosovë – Serbi, pasi bisedimet janë në favor të kombit shqiptar.

Nuk ka gabim më të madh nga ana jonë si shqiptarë që t’i ikim dialogun, t’i frikemi dialogut e të vendosim parakushte për dialogun. Këtë e bëjnë humbësit, jo fituesit. Shqiptarët e kanë fituar luftën dhe tani duhet të fitojnë paqen dhe duhet të zgjidhin këtë problem e të jenë aktivë në zgjidhjen e këtij problemi. Në këtë kontekst dhe pozicionet ekstreme e idiote të etiketimit si tradhtar të atyre që shtyjnë përpara janë shprehje e frikës. Patjetër është e frikshme lufta por paqja dhe përpjekja për paqe është shumë e frikshme për atë që është mbijetesa në pushtet”, deklaroi Rama.

Ai tha më tej se me Lavrov është përcaktuar më herët axhenda e bisedimeve. Sa i përket Kosovës, Rama tha se diskutimi që është bërë për ndarjen e saj është përgatitur në një kuzhinë mizerabël për të ushqyer dhe për helmuar opinionin publik në emër të një atdhetarizmi të shtirur.

Unë kam vetëm keqardhje që pason neverinë që ndiej kur shoh se si personazhe të caktuara të jetës publike në Prishtinë apo Tiranë lëshohen kundër apo ndërsejnë të tjerë për akuza për tradhtira e konspiracione. Përkundrazi mbetem në pozicionin tim.

Ishte e pamundur të imagjinohej dhe sjellja si humbësa dhe si derdimenë provincialë që interesohen vetëm për pjesën e tyre në tepsinë e pushtetit është prezumim për defaktorizim të Kosovës gjë që ushqehet nga disa faktorë në Tiranë që nuk kanë asnjë lidhje me një vizion strategjik. Në Moskë erdha si kryesues i OSBE-së. Përpara vizitës ne ia bëmë shumë të qartë palët ruse se nëse do flasim për marrëdhënie bilaterale duhet të flasim për një temë të gjerë, nëse do jetë në nivel ministrash do flasim vetëm për OSBE-në. Futja në temë e ministrit rus, ishte që në bisedën që patëm para se dilnim në media, ishte një mundësi për të mbajtur qëndrim pa u dukur sikur po bëjmë provokime. Qëndrimi ynë nuk negociohet.

Unë kam qenë dhe mbetem në të njëjtin dispozicion. Diskutimi që është bërë për ndarjen e Kosovës është përgatitur në një kuzhinë mizerabël për të ushqyer dhe për helmuar opinionin publik në emër të një atdhetarizmi të shtirur. Thjesht e vetëm shfrytëzon territore shpirtërore që janë të gatshëm ta marrin këtë ushqim”, tha Rama në një lidhje direkte me News24.


Të fundit

Arjan Çani thyen heshtjen, flet për herë të parë pas largimit nga Tv Klan

Lajmi se emisioni i së premtes “Zonë e Lirë”, nuk do të transmetohet më në Tv Klan bëri shumë...

Greqia nuk gjen qetësi/ Një tjetër tërmet godet zonën e Tilos, ja sa është magnituda

Një tërmet me magnitudë 3.8 ballë të shkallës Rihter ka tronditur Greqinë. Tërmeti është regjistruar  në orën 15:14 në zonën detare në jugperëndim të Tilos...

Veliaj: Lajm i mirë biletimi elektronik! Krijimi i sistemit të koordinuar të transportit

Lëvizshmëria dhe sfidat aktuale të qarkullimit në kryeqytet, por edhe perspektivat e mobilitetit alternativ, ishin fokusi i takimit të organizuar nga Bashkia e Tiranës,...

Lajmi i fundit/ Ndërron jetë tragjikisht në fushë futbollisti 16-vjeçar i Trepça ’89

Një ngjarje e rëndë, por edhe e hidhur për futbollin kosovar ka ndodhur këtë të shtunë. Një lojtar junior i Trepça ’89 është ndar...

Lufta në Ukrainë/ Forcat ruse po konsolidojnë pozicionin në Mariupol

Rusia po konsolidon praninë e saj ushtarake në qytetin port të pushtuar të Mariupolit duke ndërtuar një bazë të madhe ushtarake. Lajmi është bërë i...

Lajme të tjera

Web TV