Deputeti “mbarëkombëtar”, Kostaq Papa është rikthyer sërish në vëmendje të mediave për gafat e tij. Kreu i Partisë Emigracioni Shqiptar duke u përpjekur të bjerë në sy në Kuvend ka degjeneruar me fjalimin që ka mbajtur.
“Të gjithë duhet të jemi pak ‘gentleman’ meqë kanë ndodhur disa gjëra me fëmrat në periudhën e kaluar. Fëmrave duhet t’i kërkojmë ndjesë edhe kur kemi të drejtë. Respekti im është, unë di të kërkoj ndjesë për këdo dhe aq më tepër për fëmrat sepse në rininë time të gjitha fëmrat që më janë afruar mua, kur kisha kaçurrelat dhe paratë kanë pirë më shumë uiski dhe pije të mira sesa ujë”, u shpreh Papa.
Nga 140 deputetë që duhet të ketë Kuvendi i Shqipërisë, aty kanë mbetur vetëm 122 dhe një prej tyre është ky që dëgjoni në video. Kur hyri në Kuvend nga lista e Partisë Demokratike, Papa u bë i njohur për shkak të aktiviteteve të tij në “institucione kombëtare, mbarëkombëtare dhe ndërkombëtare”.
Se ku ka dashur deputeti Papa të dalë me këtë fjalim mbi fëmrat është vështirë të thuhet. Por ajo që kuptohet me siguri është se tashmë që ka mbetur tullac, edhe pse deputet, fëmrat pranë Kostaq Papës pijnë vetëm ujë. Kohët kanë ndryshuar!
