Ylli i skuadrës së Barcelonës, Lionel Messi ka thyer një tjetër rekord së fundmi. Numri 10 i katalanasve ndodhet tashmë në krye të listës së golashënuesve më të mirë të La Ligas, me 438 gola, të realizuara me skuadrën e Barçës.
Goli që shënoi ndaj skuadrës së Real Sociedad nuk ishte i rëndësishëm vetëm për skuadrën e tij, e cila mori 3-pikëshin e takimit,por edhe për vetë “pleshtin” që mundi të shënojë një tjetër rekord.
Me këtë arritje Messi ka kaluar sërish rivalin e tij të përhershëm Cristiano Ronaldon. Argjentinasi është bërë kështu golashënuesi më i mirë në 5 kampionatet më të rëndësishme në Evropë, si Premier League, La Liga, Seria A, Bundesliga dhe Ligue 1.
Këtë rekord ylli i Barçës e ka arritur në 474 ndeshje, ndërsa Ronaldo ka shënuar 437 gola në 540 takime këto mes Premier League, La Liga dhe Seria A.
