Pacienti zero i diagnostifikuar mbrëmë me koronavirus ka hyrë në doganën e Muriqanit, ku pretendohej se bëheshin kontrolle mjekësore për udhëtarët që vinin nga Italia.
Dizajneri Agi Haxhimurati i cili ka udhëtuar nga Kosova për në Tiranë këto ditë sjell një foto të mjekëve në doganë dhe thotë që nuk kishte kontroll.
“Kjo është kontrolla “e rreptë” kur javën e kaluar kalova kufirin Shqipëri-Kosovë dhe anasjelltas. I shikonin njerëzit nga jashtë dhe me sytë e tyre magjikë konkludonin se cili mund të ishte i infektuar me COVID-19 (Coronavirus) e cili jo. Me një fjalë, asnjë makinë nuk ndalohej! Ky lloj stili quhet ‘tu pa, tu bo’.”- shkruan ai në facebook-un e tij.
