Një person është konfliktuar me tre të rinj në Elbasan ku ka mbetur i plagosur me thikë. Ngjarja ka ndodhur rreth orës 19:20 në lagjen “Dyli Haxhire” në qytetin e Elbasanit.
I plagosuri është transportuar menjëherë në spitalin kirurgjik të Elbasanit dhe mësohet se është rreth 21 vjeç.
Ai ndodhet jashtë rrezikut për jetën. Ndërkohë policia bën të ditur se është identifikuar autori i ngjarjes dhe dy personat e tjerë të përfshirë në këtë incident.
