Partia Demokratike ka shpërndarë postimin e ish-deputetit Bardh Spahia, ku publikohet mesazhi i një qytetari, që thotë se në Spitalin e Shkodrës nuk ka tamponë.
Personeli shëndetësor në Shkodër sipas Spahisë denoncon se ka raste të dyshuara për qytetarë të ardhur nga Italia, por nuk ka tamponë për analiza.
Foton e këtij mesazhi ish-deputeti i PD-së e ka bërë publike përmes një postimi në “Facebook”.
Postimi i Bardh Spahisë:
A KA MUNGESE TAMPONASH APO THJESHTE PAPERGJEGJSHMERI?
Shqetësimi kryesor i mjekëve në këtë periudhë është mungesa e tamponëve dhe mjeteve për të bërë analizat e COVID-19. Në Shkodër, personeli shëndetësor denoncon se ka raste të dyshuara për qytetarë të ardhur nga Italia dhe nuk ka tamponë për analiza!
Po bëhen dy javë që mjekët, qytetarët dhe opozita po e ngremë këtë shqetësim, por Ministrja e Shëndetësisë, hesht pa dhënë asnjë përgjigje. Që prej të premtes po bëhen shumë pak analiza. Edhe sot janë bërë vetëm 32 teste, ndërkohë që numri i personave të infektuar është në rritje të vazhdueshme.
Si dreqin mund të jetë papërgjegjshmëria deri në këtë masë? Si mund të mos merren masa por të heshtet e të sulmohet kushdo që denoncon këtë situatë? Heshtja dhe fshehja e kësaj situate është kriminale! Nuk mund të luhet kështu me jetët e njerëzve!/Fjala.al/
