Sulmuesi më i mirë momentalisht i skuadrës së Skënderbeut, Dejvi Bregu ka udhëtuar drejt familjes së tij në qytetin e Vlorës dhe duket se është duke i kaluar atje këto ditë izolimi.
Në një lidhje direkte me emisionin “FanZone” në Supersport 1, Bregu tregoi se vijon përgatitjet për të mbajtur trupin në formë, duke vrapuar buzë detit dhe shtoi se në këtë kohë që të gjithë janë të trembur nga koronavirusi nuk i afrohet asnjë njeri, përfshirë dhe vajzat.
Si po e përballoni këtë situatë?
Të them të drejtën, shumicën e kohës jam në shtëpi dhe me oraret që na ka lënë shoqëria, dal në stërvitje. Është moment i vështirë, por duhet të mendojmë mbi të gjitha për shëndetin e njerëzve
Ju vjen keq që u ndërpre kampionati?
Si unë, ashtu edhe Skënderbeu ishim në formë të mire dhe na vjen keq që u ndalua gjithçka, por që këto janë gjëra që nuk i vendosi as unë, as kushdo tjetër. Shpresoj që gjithçka të kalojë sa më shpejt dhe me sukses.
Të gjithë pritëm një transferim të Bregut në, drejt një tjetër kampionati…
Edhe unë do të doja transferimin në një tjetër kampionat, pasi dua të provoj veten në një ligë më të fortë, por ky është fati. Nuk ndodhi dhe nuk di çfarë të them. Të shpresojmë për në verë.
Me kë po e kaloni kohën?
Të them të drejtën në këtë kohe korone, as femrat nuk po na afrohen. Faleminderit për intervistën.
