Mbrëmjen e të djelës u shënua viktima e tretë nga koronavirusi, Covid-19 në Shqipëri. Pacienti 71-vjeçar nga Kuçova vuante nga kanceri në mushkëri në një stad tejet të avancuar, diabet mellitus, fibrilacion arterial dhe hipertension.
Më herët 71-vjeçari ishte trajtuar në Spitalin Universitar “Shefqet Ndroqi”, por prej një jave ishte transferuar në Spitalin Infektiv. Mbrëmjen e djeshme viktima kishte pësuar një komplikacion të menjëhershëm kardiak arterial nga i cili nuk mundi të mbijetonte.
Ministria e Shëndetësisë teksa konfirmoi viktimën e tretë nga koronavirusi, Covid-19 në Shqipëri, ngushëlloi familjarët dhe u bëri thirrje të gjithë qytetarëve të respektojnë masat e marra dhe në rast se shfaqin simptoma të virusit të telefonojnë 127./Fjala.al
