Për të dalë pak përtej njoftimeve dhe mesazheve sensibilizuese për masat mbrojtëse ndaj COVID-19, mjeku Tritan Kalo ka treguar se me çfarë ushqehet pasi tërhiqet për pak pushim nga lufta me koronavirusin.
Duke folur për “optimizëm gastronomik”, mjeku publikon foton e trahanasë që konsumon. E sërish nuk i ndahet mesazheve inkurajuese.
“Mos t’ju lëshojë zemra bashkëkombasit e mi. Ne bashkë do t’ja dalim mbanë”, shkruan mjeku.
Postimi i plotë
Një recetë mbarëkombëtare…24 Mars 2020 ora 21:00….Në këtë kohë “COVIDIANE” na duhet edhe pak OPTIMIZËM GASTRONOMIK…Jeni të mirëpritur miq e shokë, kuptohet nëse jua lejon Qeveriu daljen në këtë orë, që të konsumojmë sa është ende e ngrohtë këtë pjatë me përbërës mbarëshqiptarë: trahana Lunxhërie, bukë shtëpie me miell katunarije, suxhuk pikant Prizreni, vaj ulliri Berati e Patosi përzier, pluhur speci të kuq nga Gramshi, djath dele Konispoli, ujë Selite, kripë Narte si dhe duart e shkathëta të një djali me përzierje genike Elbasani dhe Gjirokastre….Mos tju lëshojë zemra bashkëkombasit e mi…..NE BASHKË DO TIA DALIM MBANË!!!!
