Ylli i Barcelonës, Lionel Messi vazhdon të kontribuojë në luftën kundër pandemisë së koronavirusit. Pasi i dhuroi një milion euro, lojtari i Barça ka njoftuar se bashkohet me maratonën e promovuar nga humoristi Carlos Latre për të mbledhur fonde për të gjetur vaksinën për Covid-19.
Shoëman do të transmetojë drejtpërdrejt nga kanali i tij në YouTube këtë të Mërkurë, 8 Prill, nga ora 10 e mëngjesit deri në 8 pasdite, me bashkëpunimin e shumë fytyrave të njohura të shoqërisë spanjolle kontribuuesit në këtë kauzë.
Përveç lojtarit argjentinas, nga fusha e sportit janë bashkuar edhe trajneri Pep Guardiola, portieri Iker Casillas, ish-lojtarët e Barças Andrés Iniesta dhe Carles Puyol, basketbollisti i Real Madrid Rudy Fernández, futbollisti i Barçës Sergio Lozano, basketbollisti i Barçës, Pierre Oriola dhe atleti Kilian Jornet.
Donacionet mund të bëhen përmes web-faqes yomecorono.com dhe të fillojnë me 5 euro. Për momentin, shuma e arritur është afër dy milion euro.
Projekti drejtohet nga mjekë si Bonaventura Clotet dhe Oriol Mitjà, të cilët tashmë janë duke punuar në një provë klinike. Nga ana tjetër, të dy Clotet dhe Roger Paredes, Julià Blanco, Jorge Carrillo dhe Nuria Izquierdo punojnë së bashku me Barcelona Supercomputing Center (BSC), IRTA-CReSA dhe Grifols, në mënyrë që të krijojnë ilaçe, antitrupa dhe një vaksinë kundër koronavirusit të ri/ Lavanguardia/ Përshtati në shqip: Fjala.al/
