Një ekip shkencor ndërkombëtar ka zbuluar që koronavirusi përfiton nga një prej mekanizmave mbrojtës të trupit të njeriut për t’u shumuar në mënyrë më efikase. Studimi zbulon se ndërhyrësit që sistemi imunitar prodhon për të mbrojtur veten nga infeksionet mund të favorizojnë në këtë rast që virusi të hyjë në qeliza.
Administrimi i ndërhyrësve është një nga trajtimet që aktualisht po testohet kundër Covid-19. Është pjesë, mes të tjerash, edhe në studimin e Solidaritetit të promovuar nga Organizata Botërore e Shëndetit (OBSH). Nëse e përkeqëson sëmundjen në vend që ta lehtësojë atë, duhet të braktiset si trajtim.
Mjeku spanjoll Jose Ordovas-Montanes, nga Shkolla Mjekësore e Harvardit, ka udhëhequr studimin.
“Është e mundur që në disa pacientë, me dozën e duhur dhe në kohën e duhur të infeksionit, ndërhyrësi është i dobishëm që të përmbajë virusin, por te të tjerët Covid-19 mund të përkeqësohet”, tha Jose Ordovas-Montanes me e-mail për La Vanguardia.
Qëllimi i punës, botuar këtë javë në revistën Cell, ishte të zbulonte se cilat qeliza në sistemin e frymëmarrjes dhe të tretjes mund të infektohen me koronavirusin SARS-CoV-2. Studiuesit tërhoqën të dhëna nga Atlas i Qelizave Njerëzore, një projekt në vazhdim për të karakterizuar të gjitha llojet e qelizave në trupin e njeriut.
Konkretisht, ata shikuan se cilat qeliza shprehin njëkohësisht proteinën ACE2 (e cila gjendet në membranën qelizore dhe që koronavirusi përdor si një portë për të hyrë) dhe proteinën TMPRSS2 (të cilën e përdor si çelës).
Ata zbuluan se vetëm një pjesë e vogël e qelizave të frymëmarrjes ose tretjes mund të infektohen. Qelizat e gotës, të specializuara për sekretimin e mukusit për të mbrojtur indet, janë të prekshme në hundë. Rezultatet sugjerojnë që këto qeliza janë rruga kryesore e hyrjes së koronavirusit në trup.
Pneumocitet e tipit II, që gjenden në alveole, strukturat më të thella në mushkëri, janë të prekshme në mushkëri. Në rastet kur Covid evoluon në pneumoni, këto qeliza duket se janë më të dëmtuara.
Në sistemin e tretjes, i cili dihet se preket sepse gjurmët e virusit gjenden në mostrat e fekalit dhe për shkak se disa pacientë vuajnë nga diarreja, janë enterocitet që rreshtojnë zorrët e vogla dhe të mëdha që mund të infektohen.
Megjithëse, Covid-19 gjithashtu mund të dëmtojë organet e tjera si zemrën, trurin dhe veshkat, hulumtimi është përqendruar në sistemet e frymëmarrjes dhe tretjes sepse “ato janë pengesat e para të brendshme midis njerëzve dhe botës së jashtme”, thotë Ordovas-Montanes. “Ata janë pika kritike për të bërë dallimin midis njerëzve që kontrollojnë virusin në mënyrë efektive dhe atyre që nuk e bëjnë”.
Rezultati më befasues i punës ka qenë që, në qelizat në të cilat aktivizohet gjeni për proteinën ACE2 – porta e virusit -, gjenet që lidhen me ndërhyrësit janë gjithashtu aktivë. Për të eksploruar pyetjen më tej, studiuesit kanë kryer eksperimente mbi minj dhe qelizat e sistemit të frymëmarrjes njerëzore. Ata kanë zbuluar sesi, duke u dhënë atyre ndërhyrësit, rritet numri i receptorëve ACE2: qelizat ofrojnë më shumë porta drejt virusit.
Në kushte normale, ndërhyrësi ndihmon qelizat të luftojnë infeksionin. Koronavirusi, vëren Ordovas-Montanes, duket se përfiton nga ky mekanizëm mbrojtës.
Mbi përfitimet ose dëmet e mundshme të ndërhyrësit për trajtimin e Covid, “mënyra e vetme për ta kuptuar atë është me provat klinike të kontrolluara mirë,” Alex Shalek, bashkëautor i studimit, nga Instituti i Teknologjisë në Masaçusets (MIT), tha në një deklaratë. “Qëllimi ynë është të ndihmojmë në përshpejtimin e përpjekjeve” për të zhvilluar trajtime për Covid-19/ Fjala.al/ Katerina Tafa/
