Ministrja e Shëndetësisë ka zbuluar për herë të parë se kush e drejton ‘Komitetin e Ekspertëve’, i cili u ngrit për shkak të emergjencës së pandemisë së koronavirusit.
Në një intervistë për TvT, Manastirliu tha se ‘Komiteti i Eskpertëve’ drejtohet nga zëvendës ministrja e Shëndetësisë, Mira Rakacolli. Më tej ministrja tha se ‘Komiteti i Ekspertëve’ ka në përbërje ekspertë të ndryshëm në fusha të ndryshme.
“Komiteti i ekspertëve drejtohet nga zëvendësministrja e Shëndetësisë, profesoreshë Mira Rakacolli, dhe ka në përbërje ekspertë të ndryshëm të fushave të ndryshme. Nga ana tjetër ka edhe grupe teknikësh që asistojnë me përgatitjen e strategjive tona”, tha Manastirliu.
