Microsoft ka publikuar një plan investimesh prej plot 1.5 miliardë dollarësh për Italinë, në mbështetje të inovacionit dhe rritjes së ekonomisë lokale, duke dërguar atje edhe qendrën e parë të të dhënave rajonale.
Projekti quhet “Ambicia Italisë, #Një rinisje digjitale” dhe synimi do të jetë arritja e suksesit të shërbimeve ‘cloud’ në të gjithë rajonet, zgjerimi i bashkëpunimit me ‘Postën Italiane’ dhe nisjen e asaj që njihet si “smart working”.
“Italia është një vend i përshtatshëm për të tërhequr investime, për inovacion dhe zhvillim. Ky është një investim 1.4 miliardë euro për krijimin e një qendre të rëndësishme të të dhënave në Itali, që do ti japë një shtytje transformimit digjital e ekonomik të vendit tonë” tha kryeministri Giuseppe Conte.
Investimet e Microsoft në Itali vijojnë prej 35 vitesh, ku janë punësuar 350 mijë punonjës. Por tashmë Microsoft ka një tjetër plan për tu zgjeruar, që sipas qeverisë italiane do të ndihmojë edhe në gjenerimin e vendeve të reja të punës, në një nga vendet më të prekura në Evropë nga pandemia koronavirus./Burimi: Ansa
