Në Itali është ulur në mënyrë drastike numri i të vdekurve nga koronavirusi. Në të dhënat e publikuara pasditen e sotme, numri i viktimave ka shkuar në 30560, që do të thotë janë 165 viktima në 24 orët e fundit.
Kjo është shifra më e ulët e numrit të vdekjeve që prej datës 9 mars. Po ashtu edhe rastet e reja kanë qenë më të ulëtat që prej datës 6 mars.
Sa i përket të prekurve nga koronavirusi janë 802, duke e çuar në 219070 numrin total të të prekurve. Ndërkaq, numri i të shëruarave ka shkuar në 105186, ndërsa 1027 janë në gjendje kritike.
Sipas të dhënave numri i rasteve aktive është 83324 ndërsa shifra e të vdekurve në të gjithë botën ka shkuar në 281624.
