Plazhet priten të hapen në fund të majit për të gjithë pushuesit. Drejtoresha e Agjensisë Kombëtare të Turizmit, Kornela Feriyaj ka thënë në një intervistë për “Klan Tv” se në bashkëpunim me strukturat akomoduese edhe me subjektet e plazhit janë marrë masat për distancimin fizik.
Në plazhet ku çadrat do të jenë 3.5 metra larg njëra tjetrës do të jetë vrojtuesi i plazhit ai që do të merret me zbatueshmërinë e masave. Edhe në ujë pushuesit nuk do të lejohen më afër se 3.5 metra.
Ushqimi do i serviret çdo pushuesi në dhomën e hotelit. Ndërsa koordinatori shëndetësor do të merret me matjen e temperaturës në mëngjes dhe darkë për turistët e hotelit.
