Thertoret e mishit në të gjithë botën janë kthyer në vatra të koronavirusit, duke u kthyer në alarm serioz.
Gjendja më serioze paraqitet në Shtetet e Bashkuara të Amerikës, me mbi 180 thertore të prekura, por situata të ngjashme raportohen edhe në Irlandë, Spanjë, Gjermani, Mbretërinë e Bashkuar, Kanada, Brazil dhe Australi.
Ben Lilliston nga Instituti Britanik për Bujqësi dhe Politikë Tregtare ka folur për situatën në thertoret e mishit, të cilat janë kthyer në vatra të shpërthimit të infeksionit prej koronavirusit, duke shqetësuar autoritetet shëndetësore raporton “The Guardian”.
Thertoret kanë vazhduar punën gjatë gjithë pandemisë dhe kjo ka favorizuar përhapjen e koronavirusit, brenda dhe jashtë. Situatat e veçanta të punës në thertore, shpesh pa veshjet e duhura mbrojtëse dhe pa dezinfektime, kanë bërë që këto vende të kthehen në vatra të virusit vdekjeprurës.
Në SHBA, 5,000 raste dhe 20 vdekje u shënuan në fund të muajit prill në thertoret e vendit.k.t/Fjala.al/
