Pamjet shokuese janë duke qarkulluar në mediat sociale, ku tregojnë se njerëzit me Covid-19 po shemben nëpër rrugë në Iran.
Në njërën nga videot, një burrë bie në tokë në Zahedan, Iranin juglindor, ndërsa kollitet dhe duket qartë se ka dhimbje të forta. Në një tjetër video, një grua shtrihet në dyshemenë e një stacioni të metros.
Kjo rrit mosbesimin në qeverinë iraniane pasi pretendohet se numri i të vdekurve mund të jetë pesë herë më i lartë nga sa raportohet.
Regjistrimet e postuara në ‘Daily Mail’ tregojnë se tre punonjës iranianë të ambasadës kineze në Teheran u shtruan në spital me simptoma të dyshuara me COVID-19 më 28 janar.
Vetëm tre javë më vonë, më 19 shkurt, pacienti i parë me Covid-19 në Iran, një tregtar, u identifikua zyrtarisht në Qom, rreth 100 milje në jug të Teheranit.
Aktivistët civilë akuzuan qeverinë iraniane se fshehën rastet e mëparshme, në mënyrë që të mos vinin në siklet kinezët.
Por një zëdhënës i qeverisë iraniane u tërhoq, duke thënë se punëtorët e ambasadës, të cilët kishin ethe të larta dhe kollë të rëndë, nuk kishin koronavirus./Fjala.al/r.g
