COVID-19 duket se nuk do ta lërë pa pasoja ekonominë e vendit tonë. Kjo vjen si shkak i karakteristikave të kësaj ekonomie, si niveli i lartë i vetëpunësimit dhe informalitetit. Sipas gazetës Monitor, shkalla e papunësisë pritet të arrijë nga 40% që është sot, deri në 48% (numri i pesonave që jetojnë me më pak se 5.5 dollarë në ditë, sipas fuqisë blerëse).
Sipas Bankës Botërore COVID-19 “mund të ndikojë në varfërinë dhe mirëqënien e familjeve në Ballkanin Perëndimor”. Sipas BB, të rrezikuar janë personat e tetëpunësuar, me informal dhe ata me punë të përkohshme ose me kontrata jo shumë të sigurta.
Masat e qeverisë në përgjigje ndaj krizës, të cilat ndihmojnë firmat në sektorin formal qe të ruajnë vendet e punës nuk do të mund të arrijnë drejtpërdrejt te punësuarit informalë. Shumë prej këtyre të punësuarve informalë ose të të vetëpunësuarve nuk janë përfitues të asistencës sociale, mjetit të fundit mbrojtës të rezervuar për më të varfërit, duke i lënë ata të pambrojtur. Rreth 14 deri 33% e të punësuarve në sektorët shumë të prekur nga kriza e COVID-19 në ekonomitë e Ballkanit Perëndimor janë të vetëpunësuar, e për këtë arsye ata janë edhe më të cenueshmit (Figura 1). Kjo përqindje është veçanërisht e lartë në Shqipëri dhe Kosovë.
Gati një e treta e punëtorëve në sektorët e prekur nga kriza, kryesisht në Shqipëri dhe Kosovë, janë të vetëpunësuar dhe veçanërisht të rrezikuar ndaj humbjes së të ardhurave./Fjala/k.b
