Javën e shkuar ajo festoi 50 vjetorin e lindjes.
Sot Naomi Campbell thotë se është vërtet shumë e lumtur që ky përvjetor e gjeti kaq të rritur, profesionalisht dhe aq të fortë sa mundi të heqë dorë nga varësia për alkoolin dhe drogën. Supermodelja u rrëfye për “Daily Pop” për festimet e saj të 50 vjetorit në izolim nga pandemia.
“Ishtë një ditë surreale, një ditë e qetë, duke respektuar distancimin social, me një festë të vogël me disa miq të ngushtë, vetëm 4.
Jam vërtetë e lumtur që mbusha 50 vjec” thotë Naomi. Ajo thotë se e vetmja sfidë gjatë periudhës së pandemisë për të ka qënë përdorimi dhe përshtatja me teknologjinë, por për sa i përket mirëqënies së saj mendore, ka qënë një periudhë relaksi dhe qetësie.
Si një nga ikonat botërore të modës dhe influencuese gjithashtu, e pyetur se cfarë trendi duhet të ndjekin vajzat sot, ajo thotë: “Unë vesh cfarë dua, kur dua. Përshembull ditën e lindjes vesha një fustan të viteve ’30. Duhet të vishni ju rrobat dhe të mos lejoni që rrobat tju veshin juve” këshillon modelja 50 vjecare.
Naomi thotë se gjëja më e mirë që ka bërë në jetë, është heqja dorë në një moment të caktuar nga 2 varësitë më të këqija që fama të dhuron: alkooli dhe droga./Fjala.al/k.b
