Këngëtarja e njohur e muzikës popullore Valbona Mema ka rrëfyer mbrëmjen e sotme vështirësitë e të qenit nënë e vetme.
E ftuar në emisionin “Mos i fol shoferit”, Valbona ka treguar se për fëmijët e saj ka sakrifikuar shumë ndjesi dhe kënaqësi të jetës, por është tepër e lumtur kur i sheh sa janë rritur.
Rudina Dembacaj: Si çdo nënë e vetme, kam bindjen se ke pasur shumë vështirësi, por unë e di që fëmijët ta kanë shpërblyer dhe janë miqtë e tu më të mirë. Si ja ke dalë për të qenë e tonifikuar në karrierë gjithashtu edhe një nënë e përkushtuar edhe pse e vetme?
Valbona Mema: Është shumë sakrificë, domethënë që as unë vetë nuk e di se si. Kur i shoh që janë rritur kaq shumë, them si ka mundësi?! E kam prishur gjumin tim, kam mohuar shumë ndjenja të mia, kam mohuar shumë kënaqësi që mund t’i marr jetës, pra i jam përkushtuar totalisht atyre. Jam shumë krenare dhe e lumtur dhe e bekuar.
l.m/Fjala.al