Situata e COVId-19 në vendin tonë ka rritur “frikën” tek çdo njeri. Me anë të një postimin në rrjetin social shefja e Neonatologjisë në maternitetin “Koço Gliozheni”, Alketa Hoxha ka përçuar një mesazh, teksa i bën thirrje grave shtatzëna dhe nënave me fëmijë të porsalindur të zbatojnë protokollin.
Hoxha shkruan se nënat e reja duhet të heqin dore nga ardhjet e panevojshme në maternitet.
Postimi i plotë
“Rregullat për të parandaluar COVID19 duhet të jenë të zbatueshme nga të gjithë. Ne kemi një kategori shumë më të ndjeshme siç janë gratë shtatzëna, nëna me fëmijë në gji, nënë që kanë fëmijë të lindur me probleme që duhet të mbrohen patjetër.
Ju lutem të heqim dorë në këto momente nga ardhjet e panevojshme dhe mbingarkesat në maternitete që t’i japim mundësi fillimit të jetës pa asnjë problem. Një këshillë të veçantë për të gjitha nënat, të cilat duke ndjekur rregullat, në asnjë mënyrë të mos ndahen nga foshnjat e tyre dhe në asnjë mënyrë të mos ndërpresin ushqimin me qumësht gjiri për t’u mbrojtur sa më mirë”.
Bo.Ba/fjala.al
