A kishte lidhje Beqir Valteri me Avni Rustemin? A e nxiti Avni Rustemi Beqir Valterin të vriste Zogun? Ndërsa atentati i Beqir Valterit u bë më 23 shkurt 1924, vrasja e Avni Rustemit u realizua në një atentat më 20 prill dhe nga i cili vdiq më 22 prill 1924. Dhe version zyrtar dhe jo zyrtar i historisë i ka lidhur këto ngjarje. Por Halit Valteri e hedh poshtë këtë version. Në emisionin HARD TALK NGA ROLAND QAFOKU, Valteri u shpreh se atentati ndaj Zogut nuk ka lidhje me Avni Rustemin.
-Ju e përjashtoni vrasjen e Avni Rustemit të ketë lidhje me këtë ngjarje?
-Nuk besoj se ka lidhje me këtë ngjarje.
-Pse?
-Imagjino, jemi rreth 100 vjet pas kësaj ngjarje dhe këto 100 vjet transmetimi që i është bërë historisë qoftë në letra dhe në gojëdhëna… Di të them që Beqir Valteri ka qenë një njeri aktiv i politikës së asaj kohe. Miqësia me Hasan Prishtinën, me Avni Rustemin dhe me shumë personazhe të tjerë, me Bajram Currin dhe me shumë personazhe të tjera antizogistë mund ta kanalizonte dhe e ka kanalizuar si një person që edhe veprimin që e ka bërë e ka bërë për shkak se është marrë për lëvizjen kundrazogiste. /Fjala.al/Ke.Ba
https://www.youtube.com/watch?v=gmxkA69PEJ4
