Kombet e Bashkuara kanë reaguar pas videos së bërë publike nga mediat izraelite ku një çift kryente marrëdhënie seksuale brenda makinës së OKB-së.
Ata janë shprehur se janë të ‘tronditur dhe të shqetësuar” nga pamjet e një akti të dukshëm seksual në një nga makinat e saj zyrtare në Izrael.
Videoja e shpërndarë në rrjetet sociale është filmuar në një nga rrugët kryesore në afërsi të bregdetit të Tel Aviv, shkruan BBC.
OKB-ja bëri me dije për mediat se janë duke hetuar incidentin dhe se janë afër identifikimit të personave në video. Të përfshirët besohet të jenë anëtarë të stafit të një organizate paqeruajtëse në Izrael, tha OKB.
Stéphane Dujarric, zëdhënësi i Sekretarit të Përgjithshëm të KB, António Guterres, e përshkroi sjelljen e parë në videon 18 sekonda si “të neveritshme”.
Ai tha se një hetim i udhëhequr nga Zyra e Shërbimeve të Mbikëqyrjes së Brendshme të OKB po “lëviz shumë shpejt”.
Dujarric tha se vendndodhja e incidentit ishte i njohur dhe identifikimi i personave të parë në video ishte “afër përfundimit”./Re.Gu/Fjala.al
VIDEO/ Skandal i OKB-së, çifti bën s*ks brenda makinës së organizatës
