Analisti Arjan Vasjari deklaron se çështja e votimit të emigrantëve është emergjente dhe sipas tij ata duhet të kenë të drejtën e zgjedhjes së përfaqësuesve të tyre në Parlament.
“Çështja e votimit të emigrantëve, ju keni zgjidhur çështjes e votës së emigrantëve por nuk kam dëgjuar të flitet për çështjen e elektoratit pasiv. Ka plot formula që tu japin mundësi dhe të zgjidhen. Nuk më rezulton që është kjo këtu. Asnjë vend nuk e ka gjysmën e popullsisë jashtë vendit si ne. Nëse i fton ata që të shprehen përse nuk iu japim të drejtën të kenë përfaqësuesit e tyre”, u shpreh Vasjari në Real Story.
Ndërkohë, demokrati Oerd Bylykbashi tha se ekziston mundësia që emigrantët të kenë përfaqësuesit e tyre, duke theksuar se për ta nuk ka prag zgjedhor, mjafton të mbledhin 7-8 mijë vota.
“Iu krijohet kjo mundësia. Një emigrant mund të kandidojë i pavarur në një qark dhe mund të jetë në parlament. Kandidati i pavarur në sistemin zgjedhor nuk ka prag zgjedhor. nëse një parti duhet të kapë 3%, një kandidat mjafton të bëjë ato 7-8 mijë vota dhe mund të zgjidhet”, u shpreh Bylykbashi, ndërsa analisti Vasjari ndërhyri sërish dhe shtoi “Duke qenë gjysma e popullsisë jashtë, ne duhet t’u lëmë atyre një numër përfaqësuesish në parlament. Për mua është emergjente, duhet t’u kishim dhënë zgjidhje.”
la.mi/Fjala.al
