Shitja e Lorenc Trashit në Al Qadsia të Kuvajtit për 250 mijë euro, ndikoi pozitivisht në financat e skuadrës së Partizanit, por në të njëjtën kohë dobësoi ndjeshëm mbrojtjen.
Në këtë pozicion të kuqtë e kryeqytetit kanë edhe Esin Hakajn, por që nuk i kanë dhënë mjaftueshëm hapësirë dhe minutash aktivizimi.
Tashmë kampionët ende në fuqi të Shqipërisë i kanë hedhur sytë nga lojtarët e rivalëve të përjetshëm, Tiranës. Partizani po tenton që ta zëvendësojë Trashin me Erjon Hoxhallarin, pasi ky i fundit del si lojtar i lirë në fund të kampionatit.
Duke qenë se Tirana nuk ka filluar rinovimin e kontratës me 24-vjeçarin, Partizani po tenton që ta bindë atë që të vishet me fanellën e kuqe.
Ndërkohë rikujtojmë që prej kohësh edhe kryesuesit e Superligës po tentojnë që të marrin një nga emrat më të rëndësishëm të kundërshtarëve të tyre, portierin Alban Hoxha, megjithatë ende nuk ka gjë konkrete.
Duket se merkato midis skuadrave kryesore të vendit tonë është nxehur pa filluar ende dhe pritet të ketë lëvizje të rëndësishme.ka.ta/Fjala.al/
