Një tjetër person ka humbur jetën në bregdetin shqiptar. Një burrë në moshë të thyer, pësoi vdekje të papritur mëngjesin e kësaj të marte teksa ishte duke shëtitur në bregdetin e Durrësit.
Raportohet se Xh.K., rreth 80 vjeç nga lagjja “Shkozet” e Durrësit, ndodhej tek pjesa ndërmjet sektorëve “Hekurudha” dhe “Iliria” të zonës së plazhit, kur duket se ka pësuar një atak kardiak.
Në një komunikatë mbi ngjarjen, policia e Durrësit tha: ” Më datë 14.07.2020, rreth orës 05:30, në lagjen nr.13, Plazh, Durrës, në rërë të breg detit, është gjetur pa shenja jete shtetasi Xh.K., rreth 80 vjeç, banues në Durrës.
Nga këqyrja paraprake nuk janë konstatuar shenja dhune. Grupi hetimor po punon për zbardhjen e rrethanave të ngjarjes./Bl.Ba/Fjala.al
