Policia e Shkodrës ka bërë të mundur arrestimin e dy personave të cilët akuzohen për kultivim të lëndëve narkotike.
Janë vënë në pranga shtetasit me iniciale L.N. 25 vjeç dhe D.N. 57 vjeç të dy banues në fshatin Mazrek të cilët ishin shpallur më herët në kërkim.
Kapja dhe ndalimi i tyre u bë, pasi Gjykata e Shkallës së Parë Shkodër iu ka caktuar masën e sigurisë “Arrest në burg”, për veprën penale “Kultivim i bimëve narkotike”. Materialet iu referuan Prokurorisë së Rrethit Gjyqësor Shkodër, për veprime të mëtejshme. /Ra.My. Fjala.al/
