Situata nga COVID-19 duket se po rëndohet edhe në Kosovë .
Vetëm në 24 orët e fundit Ministria e Shëndetësisë dhe Instiuti Kombëtar i Shëndetësisë Publike ka raportuar 7 viktima të cilët kanë humbur jetën nga koronavirusi.
Në raportimin e tyre, u bë e ditur se katër persona kanë vdekur si pasojë e infektimit me koronavirus.
Ndërkaq, gjatë të mërkurës, vdiqën edhe tre të tjerë të infektuar me COVID-19.
Dy persona vdiqën në Ferizaj, ku po trajtoheshin pasi ishin infektuar me koronavirus.
Ndërkohë, nga 420 mostra të testuara më 14 korrik, 119 kanë rezultuar pozitive me COVID-19, kurse 92 persona janë shëruar.
Numri total i rasteve pozitive me koronavirus në vend ka shkuar në 5 mijë e 237, numri i të shëruarve në 2 mijë e 462, ndërkaq raste aktive janë 2663.
115 persona kanë vdekur si pasojë e infektimit me COVID-19. /Ra.My. Fjala.al/
