Këngëtarja e njohur shqiptare, Rozana Radi ka reaguar me tone të ashpra ndaj personave që nuk mbajnë maska dhe nuk ruajnë distancën fizike.
Në një reagim në rrjetet sociale, Rozana ka treguar se disa miq të saj janë shtruar në spital, pasi janë infektuar me Covid-19 dhe ndodhen në gjendje të keqe.
Më tej këngëtarja i ka cilësuar si “ínjorant” çdo person që nuk respekton rregullat e vendosura për t’u mbrojtur nga virusi vdekjeprurës.
“Për mua cdo individ i cili nuk mban maskë, nuk mban distancim social është një “ínjorant” dhe kjo pandemi më bëri të kuptoj që Shqipërinë e shkatërruan shqiptarët.
S’më plas fare për politikë as s’dua t’ja di… Kam miq të shtruar në spital, të cilët janë mosha ime dhe janë keq.
Ndaj ju lutem nëse keni ndërmend të merrni në qafa ata që i respektojnë këto rregulla, lidhni një gur në qafë vetë dhe mbysni veten tuaj”- shkruan Rozana Radi.ka.ta/Fjala.al/
