Është arritur marrëveshja midis sulmuesit të Kosovës, Milot Rashicës me skuadrën e Leipzig.
Rashica do të largohet nga Werder Bremen-i këtë merkato, por do të vazhdojë të qëndrojë në kampionatin e Bundesligës gjermane.
Së fundmi është raportuar se sulmuesi ka arritur marrëveshje personale me Leipzig-un dhe dëshiron të kalojë te kjo skuadër për sezonin e ardhshëm.
Eksperti i merkatos Nicolo Schira, përmes një postimi në “Twitter” ka bërë me dije se Rashica ka dhënë dritën jeshile dhe tani pritet të bjerë dakord edhe klubi i Werder Bremen-it.
Këta të fundit duan minimumi një shifër prej 30 milionë eurosh për të lënë të lirë shqiptarin dhe nuk kanë ndërmend të bëjnë asnjë ulje.
Ky vendim e detyron skuadrën e Leipzig që të paguajë shifrën e kërkuar ose në të kundërt sulmuesi nuk mund të kalojë te ta.ka.ta/Fjala.al/
